Прејди на содржината

Тестемелци

Од Википедија — слободната енциклопедија
Тестемелци
Тестемелци во рамките на Македонија
Тестемелци
Местоположба на Тестемелци во Македонија
Тестемелци на карта

Карта

Општина Штип
Население 0 жит.
(поп. 2021)[1]

Шифра на КО 30060
Надм. вис. 240 м
Тестемелци на општинската карта

Атарот на Тестемелци во рамките на општината
Тестемелци на Ризницата

Тестемелци — село во Општина Штип, во околината на градот Штип.

Географија и местоположба[уреди | уреди извор]

Селото се наоѓало на западниот дел на територијата на Општината Штип, од десната страна на Брегалница, на надморска височина од 240 метри.[2]

Бидејќи околината на селото е сува, населението со вода за пиење се снабдувале со два бунара и извори во коритото на реката Брегалница.[3]

До самото село води земјен пат, кој се двои од локалниот пат до селото Доброшани, кој пак започнува во блиското село Сушево.

Атарот на селото Тестемелци се граничи со атарите на селата: на југ со Пенуш, на запад со Ново Село, на север со Доброшани и на југоисток со селото Скандалци.

Месностите во атарот на селото ги носат следниве имиња: Дели Мара, Сари Баир, Чауш Ери, Кус, Уши, Поток, Косматица, Брегалница, Ѓокташ, Налбан, Сарикуш, Кимак, Грамада, Ташлак и Инџиџик.[3]

Историја[уреди | уреди извор]

Тестемелци се смета за старо село. Во него најпрвин живееле православни македонски родови. Подоцна, во селото почнале да се доселуваат малоазиски Турци, а Македонците се иселиле.[3]

На смената на населението сведочат остатоците на православни гробишта, кои се наоѓале на ридот Машталак, во непосредна близина на селото. Остатоци од гробови исто така се среќаваат на месноста Инџиџик.[3]

Во 1912 година пред отпочнувањето на Балканските војни, селото било чисто турско. Тогаш, тоа имало 25 куќи со турско население, кое постепено се иселило.[3]

Стопанство[уреди | уреди извор]

Атарот на селото зафаќа простор од 7,5 км2.[2] Поради поволните услови за пасење, основно занимавање на населението било сточарстовото.[3]

Население[уреди | уреди извор]

Население во минатото
ГодинаНас.±%
194899—    
1953124+25.3%
196199−20.2%
197173−26.3%
19810−100.0%
ГодинаНас.±%
199100.00%
199400.00%
200200.00%
202100.00%

Според статистиката на Васил К’нчов („Македонија, Етнографија и статистика“) од 1900 година, во Тестемелци живееле 90 жители, сите Турци.[4]

Според Димитар Гражданов во 1916 година во Тестеменци живееле 103 жители, сите Турци.[5]

Според германска карта издадена во 1941 година, а заснована на пописот на Кралството Југославија од 1931 година, селото имало 25 до 50 Турци.[6]

Најмногу жители во селото биле запишани во 1953 година кога броело 124 жители, од кои 88 Турци, 22 Власи и 14 Македонци.[7]

Селото е целосно раселено по 1971 година, кога броело 73 жители, од кои 15 Турци и 58 останати (Власи).[7] По 1971 година, селото е целосно раселено.

Според последниот попис од 2021 година, во селото немало жители.

Во табелата во продолжение е направен преглед на населението во сите пописни години:

Година 1900 1905 1948 1953 1961 1971 1981 1991 1994 2002 2021
Население 90 — 99 124 99 73 0 0 0 0 0
Извор за 1900 г.: Македонија. Етнографија и статистика.[8]; за 1905 г.: La Macédoine et sa Population Chrétienne.[9]; за 1948-2002 г.: Државен завод за статистика на РМ.[10]; за 2021 г.: Државен завод за статистика на РМ.[11]


Родови[уреди | уреди извор]

Според истражувањата од 1963 година, родови во селото се:

Турски

  • Доселеници: Шабанови (1 к.), Муртезанови (1 к.), Реџепи (1 к.) и Веис (1 к.) остаток од некогашните побројни турски родови. Последниот род е доселен од лакавичкото село Суво Грло.

Влашки

  • Доселеници: Атанасови (1 к.) првиот влашки род во селото, доселен во 1928 година; Костови (2 к.), Ташкови (1 к.) и Гудови (1 к.) доселени се во 1952 г.; Динови (2 к.), Миајле (1 к.) и Пушо Нако (1 к.).[3]

Самоуправа и политика[уреди | уреди извор]

Кон крајот на XIX век, Тестемелци било турско село во Штипската каза на Отоманското Царство.

Селото влегува во рамките на Општина Штип, една од малкуте општини кои не биле изменети со новата територијална поделба на Македонија во 2004 година. Во периодот од 1996-2004 година, селото било дел од некогашната Општина Штип.

Во периодот 1955-1996 година, селото се наоѓало во рамките на големата Општина Штип.

Во периодот 1952-1955, селото било во рамките на тогашната Општина Три Чешми, во која покрај селото Тестемелци, се наоѓале и селата Батање, Врсаково, Доброшани, Долно Трогерци, Криви Дол, Сарчиево, Судик, Сушево, Тестемелци, Три Чешми и Чардаклија. Селото припаѓало на Општина Црвена Ѕвезда во периодот 1950-1952, во која влегувале селата Врсаково, Доброшани, Криви Дол, Сарчиево, Судик, Сушево, Тестемелци и Црвена Ѕвезда.

Иселеништво[уреди | уреди извор]

Турското население е иселено во Турција во два брана, едните во 1925 г. кога се иселиле 10 семејства, а другите за време на СФРЈ во 1955 г. Поголемиот дел од семејствата денес живеат во Акхисар и Истанбул.[3]

Наводи[уреди | уреди извор]

  1. ↑ „Пописна слика на населените места во Македонија, Попис 2021“. Државен завод за статистика. Посетено на 22 декември 2022.
  2. ↑ 2,0 2,1 Панов, Митко (1998). Енциклопедија на селата во Република Македонија: географски, демографски, и аграрни обележја (I. изд.). Скопје: Патрија. стр. 296. ISBN 9989-862-00-1.
  3. ↑ 3,0 3,1 3,2 3,3 3,4 3,5 3,6 3,7 Трифуноски, Јован; Нетков, Васил (1964) [1962-1963]. Денешни села и население во долниот слив на Брегалница. III. Штип: Зборник на Штипскиот народен музеј. стр. 51–52.
  4. ↑ Кънчов, Васил. Македония. Етнография и статистика, София, 1900, стр. 231.
  5. ↑ Гаджанов, Димитър Г. Мюсюлманското население в Новоосвободените земи, во: Научна експедиция в Македония и Поморавието 1916, Военноиздателски комплекс „Св. Георги Победоносец“, Университетско издателство „Св. Климент Охридски“, София, 1993, стр. 241.
  6. ↑ „200K Volkstumskarte Jugoslawien“.
  7. ↑ 7,0 7,1 Грешка во наводот: Погрешна ознака <ref>; нема зададено текст за наводите по име :2.
  8. ↑ К’нчов, Васил. „Македонија. Етнографија и статистика“. Софија, 1900
  9. ↑ Brancoff, D.M. „La Macédoine et sa Population Chrétienne“. Paris, 1905.
  10. ↑ „Население по возраст и по пол, по населени места, според пописите спроведени во Република Македонија по Втората светска војна“. Државен завод за статистика.
  11. ↑ „Вкупно резидентно население на Република Северна Македонија според етничката припадност, по населени места, Попис, 2021“. Државен завод за статистика.

Надворешни врски[уреди | уреди извор]

Преземено од „https://mk.wikipedia.org/w/index.php?title=Тестемелци&oldid=5210430“